માતૃભાષા દિવસની ઉજવણી
શ્રી નારાયણ ગુરુ વિદ્યાલય ની અંદર 21 ફેબ્રુઆરી 2023 મંગળવારના રોજ માતૃભાષા દિવસની ઉજવણી કરવામાં આવી હતી. જેમાં ઇન્ચાર્જ શિક્ષકો અર્ચનાબહેન પટેલ અને ઉષાબેન ભરવાડ દ્વારા વિદ્યાર્થીઓને યોગ્ય માર્ગદર્શન આપી કાર્યક્રમ તૈયાર થયો હતો. જેમાં ગુજરાતી ભાષા સંદર્ભે ભાષા સાહિત્યનું ઊંડાણ ધરાવતા ચાર્ટસ રજૂ કરવામાં આવ્યા હતા. તેનું ઉદ્ઘાટન શ્રી નારાયણ ગુરુ વિદ્યાલયના આચાર્ય ડોક્ટર માધબી ભટ્ટડ દ્વારા કરવામાં આવ્યું હતું. શાળાના કોન્ફરન્સ હોલમાં ત્યારબાદ ધોરણ નવ અને 11 ના વિદ્યાર્થીઓ એકઠા થયા હતા. શિક્ષક ગણ એકત્રિત થયું હતું અને આમંત્રિત મહેમાન તરીકે શાળાના ભૂતપૂર્વ વિદ્યાર્થીની કુમારી મેઘના કામદાર જે પત્રકારત્વ, લેખન અને સંપાદન ક્ષેત્રે સંકળાયેલા છે એમને બોલાવવામાં આવ્યા હતા. એમણે વિદ્યાર્થીઓ સમક્ષ માતૃભાષા નું મહત્વ સમજાવતું પ્રેરણાદાયક વક્તવ્ય આપ્યું હતું. શાળાના વિદ્યાર્થીઓએ માતૃભાષા સંદર્ભે પોતાના વિચારો વક્તવ્ય ગીત, સંવાદ....દ્વારા અભિવ્યક્ત કર્યા હતા. શાળાના શિક્ષકોએ પણ પોતાના વિચારો વક્તવ્ય, લેખ, સ્વરચિત કવિતા દુહા ગાન દ્વારા વ્યક્ત કર્યા હતા.